查小欣入ICU插滿喉後復出,最新狀態曝光自爆留院兩日「一頸血」

查小欣日前上載手部插滿喉管的照片，透露自己進了ICU 且情況緊急。查小欣（3日）今日出席時裝展時精神飽滿，又著外界不用太擔心：「我隻手係插針，但報道出嚟變成插管，搞到好似好嚴重。」

好嚇人！（小紅書照片）

查小欣透露起身時感到心臟不適，休息過後發現血壓仍然十分低，加上全身酸軟無力，於是去求醫，當時血壓之低隨時可以休克。「我都叻㗎啦，無暈到，仲可以叫醒老公送我去醫院，而當時嘅情況係一定要入ICU。（醫生話源頭係咩？）都係心，血管唔係好暢通，可能係因為夜瞓、又鐘意飲兩杯、同埋呢排工作好多。」小欣姐表示留院兩晚，但費用已「一頸血」，之後需要覆診、做心電圖，情況再差需要接受手術，但目前可以先以藥物控制。

查小欣入ICU插滿喉後復出。（陳順禎攝）

小欣姐原來一直無身體檢查的習慣，經此一疫，會多加留意。「因為我無三高，但原來都要做身體檢查。」

查小欣叫大家唔使擔心。（陳順禎攝）