林峯自爆離巢後主動聯絡古天樂，獲提點殺入影圈：叫我多啲拍電影

林峯今日（12/8）現身尖沙咀出席品牌活動。對於古天樂早年一言驚醒轉換跑道，衝破事業樽頸位，殺入電影圈，事業創高峰。林峯接受《香港01》訪問時不忘感激古天樂的出手幫助：「記得當年離開咗電視台，我係第一時間搵咗古仔先，嗰陣時佢已經叫我多啲拍電影，但嗰陣時作為歌手，都有一嗰種癮依然喺度，變咗仲想喺音樂上睇吓自己仲有啲咩作為。」

林峯感激古天樂提醒轉換跑道。（葉志明攝）

林峯續說：「就係因為有咁嘅諗法，當時我係冇調整好去電影嗰方面度，用咗兩三年嘅時間，專注喺音樂上面。但之後都好多謝古生俾機會我，再去認認真真去行呢個大銀幕嘅路。」

林峯今日出席品牌活動。（葉志明攝）