鍾柔美被踢爆同男伴拍拖睇戲， 姚焯菲8字大爆男伴身份

鍾柔美（Yumi）近日被踢爆與一名男伴在戲院約會睇電影，雖然二人戴著口罩和帽子低調行動，但仍被人認出。當電影散場後，他們從通道離開時，男方被指輕撫鍾柔美的肩膀及屁股，之後更情不自禁依偎在她肩膊上，猶如熱戀中的情侶，舉動親暱引起拍拖疑雲，惹起網上關注。

今日姚焯菲(Chantel）和詹天文（Windy）齊齊現身灣仔出席香港動漫電玩節活動。（陳順禎攝）

今日（25/7）姚焯菲(Chantel）和詹天文（Windy）齊齊現身灣仔出席香港動漫電玩節活動。對於Yumi拍拖傳聞，Chantel接受《香港01》訪問時表示：「我覺得大家暫時唔好諗咁多，據我所知佢係冇拍拖嘅。明白大家睇嘅角度都唔同，但真相係點，都要由當事人自己去澄清。（佢有同你講過？）其實佢係有同我講，但就冇講晒，我只係知嗰個男仔係佢同學。（Yumi好多人追？）我就唔知，但我覺得係。」Windy接著說：「佢嘅私人嘅嘢，就由佢自己講返，始終我哋都係局外人。」

Chantel大爆男伴身份。（陳順禎攝）

問到男伴外型是否合Yumi心意？Chantel笑言：「我點睇到呀。因為張相好矇。但點都型唔過你嘅，哈哈。」