麻雀樂團｜郭柏妍唔敢搵監製叫李佳芯出席宣傳活動：我控制唔到

郭柏妍（Rosita）今日（25/8）現身銅鑼灣出席無綫熱播劇集《麻雀樂團》街頭快閃宣傳活動。提到劇集進入尾聲大結局，已離巢的李佳芯仍未見出席任何宣傳活動。

Rosita接受《香港01》訪問時表示：「其實我哋晚晚都一家人陪住大家㗎，佢與我哋常在㗎。（冇咗李佳芯出席活動，會否覺得爭咁啲嘢？）其實佢每晚都同緊我哋一齊，同埋我知佢忙緊開佢嘅劇，希望佢加油努力。（李佳芯否認趕不及返嚟，指有需要佢就會返嚟出席宣傳活動！）哦⋯⋯係咩，我唔清楚太多，聞說佢真係喺嗰邊拍緊，我真希望佢身體健康，因為之前佢拍呢套劇嘅時候唔係好舒服，同埋瘦咗好多，變咗希望佢身體健康。（會唔會搵監製叫李佳芯返嚟？）我係控制唔到，如果我嘅權力係咁大，我就可以掌管全世界。（掌管TVB啦！）咁又唔夠膽，我都係做打吓雜咁啦。」

Rosita唔敢搵監製叫李佳芯出席宣傳活動。（陳順禎攝）

無綫熱播劇集《麻雀樂團》街頭快閃宣傳活動。（陳順禎攝）

無綫熱播劇集《麻雀樂團》街頭快閃宣傳活動。（陳順禎攝）

無綫熱播劇集《麻雀樂團》街頭快閃宣傳活動。（陳順禎攝）